துபாயில் நாளை முதல் நடைமுறைக்கு வரும் புதிய சாலிக் கட்டணம்..!!
ஜனவரி 31, 2025 வெள்ளிக்கிழமை முதல், துபாய் எமிரேட் முழுவதும் புதிய சாலிக் கட்டணம் முறையை துபாய் சாலைகள் மற்றும் போக்குவரத்து ஆணையம் அமல்படுத்துகிறது.
துபாய் முழுவதும் சுமுகமான போக்குவரத்தை மேம்படுத்துவதற்காக, துபாய் முழுவதும் உள்ள சுங்க சாவடிகளின் கட்டணங்கள் மாற்றி அமைக்கப்பட்டுள்ளது. காலை மற்றும் மாலை அலுவலகங்கள் நேரங்களை கருத்தில் கொண்டு மாற்றி அமைக்கப்பட்ட டோல்கேட் கட்டணங்களில் முழு விபரங்களையும் டோல் கேட் ஆபரேட்டரான சாலிக் நிறுவனம் வெளியிட்டது.
வெளியிட்ட அறிவிப்பின்படி, காலை 6 மணி முதல் 10 மணி வரையிலும், மாலை 4 மணி முதல் இரவு 8 மணி வரையிலும் டோல்கேட் கட்டணம் 6 திர்ஹாமாக வசூலிக்கப்படும். இதையடுத்து, காலை 10 மணி முதல் மாலை 4 மணி வரையிலும், இரவு 8 மணி முதல் மறுநாள் அதிகாலை 1 மணி வரை 4 திர்ஹாமாக இருக்கும்.
மேலும், அதிகாலை 1 மணி முதல் காலை 6 மணி வரை இலவசம். ஞாயிற்றுக்கிழமை முழுவதும் 4 திர்ஹாம் வசூலிக்கப்படும்.
