முதுகுளத்தூரில் இப்தார் விருந்து: முருகன் எம்.எல்.ஏ., பங்கேற்பு

முதுகுளத்தூரில் புதன்கிழமை நடைபெற்ற இப்தார் விருந்து நிகழ்ச்சியில் மு. முருகன் எம்.எல்.ஏ., உள்ளிட்டோர் பங்கேற்றனர்.

முதுகுளத்தூர் பெரிய பள்ளிவாசல் முஸ்லீம் ஜமாத்தார் ஏற்பாட்டில் நடைபெற்ற ரம்ஜான் பண்டிகை இப்தார் விருந்து நிகழ்ச்சிக்கு ஜமாத் தலைவர் எஸ்.எம்.கே. காதர் முஹைதீன் தலைமையும், துணைத் தலைவர் இக்பால், கல்வித் துறை முன்னாள் இணை இயக்குநர் நயினா முகம்மது, தேசிய நல்லாசிரியர் எஸ். அப்துல் காதர், பள்ளிவாசல் மேல்நிலைப் பள்ளி தாளாளர் எம். அன்வர் ஆகியோர் முன்னிலை வகித்தனர்.

சிறப்பு அழைப்பாளராக முருகன் எம்.எல்.ஏ., பங்கேற்றார். நிகழ்ச்சியில் முஸ்லிம் ஜமாத் நிர்வாகிகள், பிரமுகர்கள், அ.தி.மு.க. பிரமுகர்கள் உள்ளிட்டோர் கலந்து கொண்டனர்.