காரைக்குடி பாத்திமா ஹமீத், சார்ஜா
மது ஒழிப்புப் போராட்டம்
மனிதர்களுக்குத்தான் !
எந்தவண்டும் மதுவுண்ட
மயக்கத்தில் யாருக்கும்
கஷ்டங்கள் கொடுப்பதில்லை !
சாதிச் சண்டைகள் என்றென்றும்
மனிதர்களுக்குத்தான் !
எந்தச் சேவல்களும் மதத்திற்காக
சண்டைகள் போடுவதில்லை !
தீண்டாமை என்பது
மனிதர்களுக்குத்தான்
எந்தத் தென்றலும்
யாரையும் தீண்டாமல் விடுவதில்லை !
ஏற்றத்தாழ்வுகள் என்றென்றும்
மனிதர்களுக்குத்தான் !
எந்த மழையும் பணக்காரனுக்கு
மட்டும் பெய்வதில்லை !
ஏமாற்றுதலும் எதிரிகளும்
மனிதர்களுக்குத்தான் !
எந்தக் காகமும் தான் மட்டும்
உண்டு களித்ததில்லை !
உயர்வும் தாழ்வும்
மனிதர்களுக்குத்தான் !
எந்த பூமியும் உயர்வானவனுக்காக
சுற்றுவது கிடையாது !
இயற்கையைப் பார்ப்போம்
இணைந்து வாழ்வோம் !
அரிவாள்கள் முட்களைக்
களையட்டுமே !
கம்புகள் அடுப்பெரியப்
பயன்படட்டுமே !
அன்பால் அனைவரும்
இன்பமாய் வாழ்வோமே !