‘தமிழ்மாமணி’ கவிஞர் மு. ஹிதாயத்துல்லாஹ்
இளையான்குடி
அழைக்க : 99763 72229
என் பெயர் தெரியுமா..?
எய்ட்ஸ் !
ஒரு தாகத்தை வளர்த்து
ஆபத்தைக் கொடுப்பேன் !
பாவத்தில் நனைத்து
சோகத்தை வளர்ப்பேன் !
நேரத்தைத் தொலைத்து
வீரத்தைப் பறிப்பேன் !
வேகத்தைக் கொடுத்து – என்
யாகத்தை வளர்ப்பேன் !
காமத்தில் பிறந்து
ஜாமத்தில் தொடர்வேன் ! – உன்
காலத்தைப் பிடுங்கி – பெருங்
காயத்தைத் தருவேன் !
சபலத்தைக் கொடுத்து – மோகச்
சகதிக்குள் இழுப்பேன் ! – என்றும்
அவலத்தை வளர்த்து
ஆட்டியே … படைப்பேன் !
விஞ்ஞான உலகிற்கு
வில்லனும் நானே ! – உங்கள்
விதி கூட மாறும் ! – என்
படை யெடுப்பால் தானே !