‘தமிழ்மாமணி’ கவிஞர் மு. ஹிதாயத்துல்லாஹ்
இளையான்குடி
அழைக்க : 99763 72229
திரியே ! திரியே ! தீரும் வரைக்கும்
தீயில் எரிகின்றாய் ! – எங்கள்
திசையை எல்லாம் வெளிச்சமாக்கி
நீயும் கரைகின்றாய் !
கரையும் பொழுது பெருகும் வலியை
யாரிடம் சொல்கின்றாய்? – உன்
கண்ணீர் சத்தம் கேட்கிறதே ! என்
கனவைக் கலைக்கின்றாய்..!
உருகத் தெரிந்த உனக்கு நன்மை
உணர்த்தத் தெரிகிறது ! – இந்த
உதவாக்கரை மாந்தருக்கோ – பிறரைக்
கொளுத்தத் தெரிகிறது !