‘பொற்கிழி’ கவிஞர் மு. ஹிதாயத்துல்லா, இளையான்குடி
உயர் வாழ்வளித்துக் காத்திடுவாய் !
வல்லவனே அல்லாஹ் ! – உனை
வணங்கி நானும் போற்றுகிறேன்
உதவிடுவாய் அல்லாஹ் !
யா அல்லாஹ் ! யா அல்லாஹ் !
சுபுஹானல்லாஹ்
(உயர்)
சிலை வணக்கச் சீமையிலும்
தீன்பயிரை வளர்த்தாய் ! – அன்று
சீறிவந்த உமர் வாளை
செயலிழக்க வைத்தாய் !
மண் பிளந்தும் ‘ஜம் ஜம்’ மாம்
நீரூற்றைக் கொடுத்தாய் ! – இதை
மறக்குமோ எம் உள்ளமெல்லாம்
மாண்புகளே நிறைத்தாய் !
யா அல்லாஹ் ! யா அல்லாஹ் !
சுபுஹானல்லாஹ் !
(உயர்)
தெளர் குகையில் அன்று உந்தன்
சாகஸத்தை விதைத்தாய் ! – எங்கள்
‘தங்கநிழல்’ அங்கிருந்த
ரகசியத்தை மறைத்தாய் !
சீறிவந்த ஈட்டிகளைத்
திசைமாற வைத்தாய் ! – ஒரு
சிலந்தி வலை பின்ன வைத்தே … (எங்கள்)
ஜீவன்களைக் காத்தாய் !
யா அல்லாஹ் ! யா அல்லாஹ் !
சுபுஹானல்லாஹ் !
(உயர்)
வஹியாய் ஓர் வசந்தத்தை
வல்லவனே கொடுத்தாய் ! – உயர்
வாழ்க்கை நெறி அத்தனையும்
வான்மறையில் இணைத்தாய் !
ரஹ்மானே நபிவேந்தை
உன் தூதாய் (தேர்ந்து) எடுத்தாய் ! – உன்
நலமான வெகுமதியாய்
தீனைத்தானே கொடுத்தாய் !
யா அல்லாஹ் ! யா அல்லாஹ் !
சுபுஹானல்லாஹ் !
(உயர்)
முன்மாதிரி ஏதுமின்றி
முழுதுலகைப் படைத்தாய் ! – எங்கள்
முகவரியாய் ‘முஹம்மதெ’னும்
நபி நூரைக் கொடுத்தாய் !
உன் மாதிரி யாருமில்லை
உலகினிலே அல்லாஹ் ! – உன்
ஒருவனுக்கே ‘சஜ்தா’க்கள்
குவித்திடுவோம் அல்லாஹ் !
யா அல்லாஹ் ! யா அல்லாஹ் !
சுபுஹானல்லாஹ் !
(உயர்)
( உயிர் கொடுத்ததற்கே நன்றி சொல்ல முடியவில்லை இன்னும் ….. என்ற பாடல் மெட்டு )
இசைமுரசு நாகூர் ஹனீஃபா பாடியது
நன்றி :
மணிச்சுடர் ஈகைத்திருநாள் சிறப்பு மலர் 1998