நோன்பு !
மனசாட்சியால் விதைத்த
மனங்களின் விரதம் !
கட்டவிழ்ந்த விட்ட மனத்தை
கைப்பிடிக்குள் கொண்டுவரும் நோன்பு !
பசியின் சோகத்தை
பணக்காரர்களுக்கும்
ருசியாய் பரிமாறி
கட்டாயமாக்கிய ரமலான் !
உணவை மட்டும் துறப்பதா நோன்பு ?
ஊனாசை உடம்பாசை
பேராசை பொருளாசை
ஒருசேர ஒத்திவைக்கப்பட்ட மாதம் !
புறம் கோள் பொய் சொல்வதை
புறந்தள்ளிய மாதம் ரமலான் !
அறம் அன்பு நேசமதை
பறை சாற்றிய ரமலான் !
ஈட்டிய செல்வமதில்
இரண்டரை சதவீதம்
ஏழைக்கு விதியாக்கி
ஏற்றத்தாழ்வு நீக்கிய ரமலான் !
வணக்கமும், வழிபாடும்
இரவு பகல் பேதமின்றி
வல்லவன் இறைவனிடம்
வார்த்தளிக்கும் மாதம் !
வஞ்சனை, சூது
வில்லங்கம், விவகாரம்
சொல்லிலே கெடுதல்கள்
அல்லவே விலக்கும் மாதம் !
வான்மறை குர் ஆன்
வழங்கிய மாதம் ! – ரமலான்
நாம் ’வாழ்வது சகோதரமாய்’ என
முழங்கிய மாதம் !!!
பஷீர் முகமது
மஸ்கட்