கனவு மெய்ப்பட வேண்டும் – உயர்
கற்க நினைப்ப தெல்லாம் – நாம்
கருத்தினில் ஏற்றிட வேண்டும்
கவனத்தில் கொண்டிட வேண்டும்!
பட்டம் படித்திட வேண்டும் – அதில்
பதக்கம் கிடைத்திட வேண்டும்
விட்ட உரிமைக ளெல்லாம் – நாம்
மீட் டெடுத்திட வேண்டும்!
தொழிலுக் கென்று கல்வி – நாம்
தேடிக் கற்றல் வேண்டும்
பதவிக் கென்று படிப்பை – இனி
பார்த்துப் படித்திட வேண்டும்!
ஆட்சி அதிகாரம் வேண்டும் – நமக்கு
அரசாங்க வேலையும் வேண்டும்
அன்றாடங் காய்ச்சியேயாயினும்-நாம்
வென்றாள கல்வியே வேண்டும்.
அதிக மதிப்பெண் வேண்டும் – அதை
அடைய முனைப்பு வேண்டும்
சிகரம் தொடும் வித்தை – நாம்
சேர்ந்து பயில வேண்டும்
கல்லாமை வெளியேறவேண்டும்-உடன்
அறியாமை புறந்தள்ள வேண்டும்
கற்றுத் தெளிந்து நாமும் – எதிர்
காலத்தை வென்றிட வேண்டும்!
மகத்துவம் மிக்க மருத்துவம் – கற்று
மக்களைக் காத்திட வேண்டும்
மடைமை போக்கிடும் அறிவியல் -படித்து
மாட்சிமை பெற்றிட வேண்டும்
சதிகளை எதிர்த்திட சட்டம் – நம்
சமூகம் காத்திட அரசியல் – முழு
சாஸனம் கற்றிட வேண்டும்!
கல்வி விழிப்புணர்வு வேண்டும் – அது