படிக்காததினால்!
மனம் தந்து
மணம் கொண்டோம்;
மாதம் முடிவதற்கு முன்னமே
விழுந்துவிட்டேன் வலை(ளை)குடாவில்!
துவண்டுப் போன என் மனதிற்கு
தாங்கிக்கொள்ள உன் தோள்கள் இல்லை;
பிடிக்காத வேலையை
பிடித்துக் கொண்டிருக்கிறேன்
படிக்காததினால்!
மணவீட்டாரிடம் மதப்பாக
பல்தியா என பலமாக சொன்னாலும்
நாற்றத்தோடு நகர் உலாவரும் அவலம்!
களவாகிப் போன
கல்வியால் களம் கண்டு இங்கே நான்;
மாறிவிடு தலைமுறையே
மயக்கத்திற்கு முந்தும் முன்னே;
படித்துவிடு இப்படி பக்கம் பக்கமாய்
எழுதுவதற்கு முன்னே!
-யாசர் அரஃபாத்