விடாமுயற்சி

Vinkmag ad

விடாமுயற்சி; விடைபெறும் அயற்சி

 

இன்னுங் கொஞ்ச மிறங்கிப் பார்ப்பது

தன்னுள் மிஞ்சும் தன்னம் பிக்கை

அடைந்ததே போதுமென் றடங்கிப் போனால்

அடையும் ஆசை யடங்கிப் போகும்

மேலே தொடர்வது என்பது சூட்சமம்

மேலே எழுந்திட வைத்திடும் சூத்திரம்

படிபடி படிக்கப் பழகும் நாக்கு!

அடிஅடி வெடிக்கும் சோம்பல் போக்கு

கவிதை எழுதிக் கலக்கும் பொழுது

புவியில் உழுத புலமை வழுத்தும்

அடாத பிழைகளால் அடுத்தே தோற்கின்

விடாத முயற்சியால் விளையும் வெற்றி

தேனைச் சேகரிக் கத்தான் தேனீ

ஊனைச் சேர்க்கும் ஓட்டம் பார்நீ

வாசல் தேடி வருவது வாய்ப்பு

பேச வேண்டி புறப்படல் பொறுப்பு

செவிகளை இலைகளாய் விரித்து வைத்தால்

செவிக்குண வுகளாய் செரிக்க வைக்கும்

முழுமதி வந்தது முதலாம் பிறைவழி

முழுவதும் வெல்வது முயற்சித் தரும்வழி

இன்னுங் கொஞ்சம் இன்னுங் கொஞ்சம்

என்னும் நெஞ்சின் எண்ணம் விஞ்சும்;

எடையும் கூடினால் தாழும் தராசு

தடையும் தாண்டினால் வீழும் மாசு

இன்னுங் கொஞசம் எட்டி அடிவை!

மண்ணில் எல்லாம் உன்றன் மடிமேல்

சாம்பல் கிளறினால் தகிக்கும் நெருப்பாய்

சோம்ப லுதறினா லுழைப்பி லிருப்பாய்

— அதிரை கவியன்பன் கலாம், அபுதாபி

News

Read Previous

விண்வெளி ஆராய்ச்சி நிலையம் அஸ்ட்ரோசாட்

Read Next

பரமக்குடி-முதுகுளத்தூர் சாலையில் மரண பயத்தில் பயணிக்கும் மக்கள்

Leave a Reply

Your email address will not be published.