இனிய திசைகள் : ஒரு பார்வை
பேராசிரியர் சே.மு.மு. முஹம்மதலி அவர்கள் நடத்தும் நல்ல பத்திரிகை இனிய திசைகள் .
13 வருடங்களாக தொடர்ந்து …
ஆக்கபூர்வமான அரசியல் கட்டுரைகள்
சமுதாயச் செய்திகள்
ஆன்மீகம்
கலை
கவிதை
கேள்வி பதில் என
பல்சுவை இதழாக வருகிறது.
உள்நாட்டு
வெளி நாட்டு வேலை வாய்ப்புச் செய்திகள் இதழில் இடம் பெறுவது இதழின் தனித்துவமான சிறப்பம்சம்.
அண்ணன் சேமுமு அவர்கள் பழகுவதற்கு இனிய பண்பாளர்.
பன்னாட்டு இஸ்லாமிய இலக்கியக் கழகத்தின் பொதுச் செயலாளர்.
இஸ்லாமிய தொண்டு இயக்கத்தின் நிறுவனர். ( அரசியல் சாராத அமைப்பு )
இன்று இந்த அமைப்பில் தமிழகத்தின் பெரும்பாலான ஆலிம்கள் அங்கத்தினர்களாக இருக்கிறார்கள்.
சத்தமில்லாமல் …
ஆயிரக்கணக்கான ஏழைப் பெண்களுக்கு
இலவசத் திருமணங்களை இஸ்லாமிய தொண்டு நிறுவனம் நடத்தி வைக்கிறது.
மேலும்…
கல்வி விழிப்புணர்வு கருத்தரங்குகள்
பயிலரங்கங்கள்
வேலைவாய்ப்பு பயிற்சிகளையும்
பேராசிரியர் பொறுப்போடு செய்து வருகிறார்.
லாப நோக்கு எதுவுமில்லாமல் சொந்த வருமானத்தை பத்திரிகைக்காகவும்
சமுதாய நலப்பணிகளுக்காகவும்
செலவு செய்து வரும் சேமுமு முஹம்மதலி போன்ற பெருமக்களை தமிழ் முஸ்லிம் சமுதாயம் பாராட்ட வேண்டும்.
பேராசிரியரின் அறப்பணிகள் மகத்தான வெற்றிபெற மனப்பூர்வமாக வாழ்த்துகிறேன்.