பிரிவினை அரசியலுக்கெதிராக வாக்களித்த பீகார் மக்களுக்கு இந்தியன் சோஷியல் ஃபோரம் நன்றி!

பிரிவினை அரசியலுக்கெதிராக வாக்களித்த பீகார் மக்களுக்கு இந்தியன் சோஷியல் ஃபோரம் நன்றி!
மதவாத பாஜக அரசு மத்திய ஆட்சியில் அமர்ந்த நாளிலிருந்து இன்று வரை தேசத்தின் பன்முக தன்மையை சீர்குலைக்கும் வகையில் பல்வேறு சர்ச்சைக்குரிய விடயங்களை முன்னெடுத்து நாட்டின் ஸ்திரத்தன்மையை சீர்குலைத்து வருகிறது.
அதன் தொடர்ச்சியாகவே உ.பி.மாநிலம் தாத்ரி கிராமத்தில் மாட்டிறைச்சியின் பெயரால் ஒரு முஸ்லிம் முதியவரை அடித்தும் ,அரியானாவில் இரண்டு தலித் குழந்தைகளை உயிரோடு தீவைத்தும் கொல்லப்பட்டனர்.
பல்வேறு மதம்,மொழி,கலாச்சாரம் அடிப்படையில் கட்டமைக்கப்பட்டுள்ள இந்திய தேசத்தை இந்துத்துவா என்ற மதவாத பிரிவினையின் மூலம் மக்களிடையே வெறுப்புணர்வை விதைத்து மாட்டின் பெயராலும்,கடவுளின் பெயராலும் மனிதனை அச்சுறுத்தும் பாஜகவின் பாசிஸ போக்கு கண்டிக்கத்தக்கதாகும்.
பாஜகவின் மதவாத அரசியலை கண்டித்து டெல்லி மக்கள் தங்களின் வாக்கு சீட்டின் மூலம் தண்டனை கொடுத்தும் கூட கொஞ்சமும் தன்னை திருத்தி கொள்ளாத பாஜகவுக்கு உ.பி மற்றும் கேரள மாநில மக்கள் உள்ளாட்சி தேர்தலிலும் பலத்த தோல்வியை கொடுத்தனர்.
பிரிவினை மற்றும் வன்முறையை மட்டுமே அரசியலில் மூலதனமாக்கி கொண்ட பாஜகவுக்கு தற்போது பீகார் மக்கள் மறக்க முடியாத அளவிற்கு பலத்த சேதாரத்தை தங்களின் வாக்கு சீட்டின் மூலம் கொடுத்து விட்டனர்.
மக்களின் அடிப்படை தேவையான குடிநீர்,மின்சாரம்,சாலை வசதி,மருத்துவம்,கல்வி,வேலை வாய்ப்பு போன்ற பிரச்சினைகளில் அக்கறை செலுத்தாமல் தேவையற்ற விஷம கருத்துக்களையும் அறிக்கைகளையும் தொடராக்கி வரும் பாஜகவின் போக்கு மக்களிடையே பெரும் கொந்தளிப்பை உண்டாக்கி விட்டது.
மதத்தின் பெயராலும் மொழியாலும் உணவு பழக்க வழக்கத்தாலும் மக்களை பிரித்து அவர்களிடையே பகைமையை உண்டாக்கி அதன் மூலம் அரசியல் லாபம் பெறலாம் என்று பாஜக இனியும் கனவு காணுமானால்….
பாஜகவிற்கு எதிரான மக்களின் கோபம் தொடர்ந்து ஒவ்வொரு மாநில தேர்தலிலும் இனிவரும் காலங்களிலும் எதிரொலிக்கும்.
பாஜகவின் பிரிவினைவாத அரசியலுக்கு கடிவாளம் போட்டுள்ள பீகார் மாநில மக்களுக்கு சவூதி அரேபியா கிழக்கு மாகாண இந்தியன் சோஷியல் ஃபோரம் தமிழ் பிரிவு தனது நெஞ்சார்ந்த நன்றியை தெரிவித்துக்கொள்கிறது.
தகவல் : கீழை அரூஸி
Tags: , , , , , ,

Leave a Reply